Ka chnong Tuber Kmai Shnong hei yahluti u waheh chnong u Jiedlang Sana, u Secretary chnong u Micky Lyngdoh, ynne ka sngi ka 16 tarik da yoh ko wow wai yaka Anganwadi Centre waka Check Dam neibynta i emkaam ki paidbah yong ka chnong.
Dawan wow wai ya kani ka Centre kawa em hapoh ka dong Khliehpynthor daka D. Suja, MCS kawa man leh kam ka Project Director DRDA, Khliehriat neidaw wa ym lait u DC wei da wan synran lang u S. Marwein uwa man kam u SDO Khliehriat-Saipung, ka R. Passah kawa man kam ka Child Development Project Officer, u HN Passah DPM, u Ram Kyndait uwa man u Gran Sevak, ka Onita Swer kawa man ka Engineer, u Phransis Swer uwa man u bru uwa jooh yarap bha yaka chnong Tuber, ki Asha, ki wakreh Anganwadi kamjooh ki bru pawkhmat ka chnong waki VDP ka chnong.
Hachwa u wai ya kani ka Centre da yoh chiboon ki ktien sneiñ kyntien kroo naki chnat sorkar waphær waphær yow pynemkaam hok wei wei wow sumaar hok ya ki Scheme sorkar khamtam naka Suja wa na u Marweiñ.
Ya kani ka Anganwadi Centre u pait ko ya kamwa 4 tylli ki dong kiwa em hapoh chnong wei wa lyngba kani ka Centre daw yoh kiwa chong chnong chiboon ki myntoi khamtam ki khonbo, ki khynnah, ki manbei wa punkhon wa kiwi kiwi. Wei hapoh kani ka Centre em leh chiboon ki thaw yalehke wei da dep dro leh ya ki dur wow pyn ka-it yaki khynnah ha ki chram yung.
Hadien wada dep wai ya kani ka Centre da liwai won yaka Check Dam (sait-thad) kawa em hajan ka Sniriang View Point kawa pyrtuid Moosynler, wei i em kani ka thaw sait-thad daw yoh kiwa chong chnong chiboon leh ki myntoi neibhah kani ka thaw man ko kawa boon ki um wei kawa khooid u dih.
Neiliang ka Dorbar Chnong Tuber Kmai Shnong da e khublei kyrpang ko yaki chnat sorkar waphær waphær kiwa da yarap u pynyoh Scheme yaka chnong Tuber yong ki.
Kani ka wyrta katkam wada phah da uwa e buit ka chnong u Wanthmu Phawa.
Discussion about this post