Yachem ka PSC wa ki seiñ ka jylla yow sñiaw yei angnood yong ki heiyatoh wa i pynkylla yaka Sixth Schedule

Shillong: Ka Parliamentary Standing Committee (SPC) wa thung da ka Parliament neibynta i pynkylla ya ka Sixth Scheduled, da pynsñiaw ko wa daw phah noh ya ka bui (Report) cha Parliament ha u Wisu (March) ha uni u snem. Ya ini da pyntip da u Anand Sharma uwa man u Chairman ka SPC hadien wa yachem wa ki seiñ waphær waphær ha nongbah Shillong ynne i janmiet.

U Anand deilang wa ki bru yong oo da poi ki ha nongbah Shillong wow ap yei e yumut na kiwa mihkhmat ka jylla Meghalaya, wa kynthup na ki dkhot yong ki District Council, kiwa synchaar chnong, ki seiñbhalang, seiñ kreh mon sñiawbha wei kamjooh na ki bru samen.

Hawa kylli hajrong i yachem, u Sharma da kyntait u wow pyntip iyi iyi leh, tangwa da ong u wa i wan ka Committee toh yow ap u sñiaw lut ya i e yumut na kani ka jylla hawa yatoh wa i pynkylla ya ki kyndon ka riti synchaar hawa yatoh wa ki kaam yong ki ADC.

Hawa yaklam wa uwa yahkhmat ka Congress na kani ka jylla, u Dr. Mukul Sangma leh da kyntait u wow pyntip iyi iyi leh hajrong i yachem, deiwa ong wa ym man ko kawa bha wow klam iyi iyi leh katwa ka PSC ym pu phah ko yaka Report cha Parliament.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Katwa neiliang u Chairman ka KHADC, u Pynshngian N Syiem da pyntip u wa ha kani ka yachem, ka KHADC da pynsñiaw bait ko ya ki rai wa da chim da ka dorbar yong ka Council. Kitæ toh wym e laad ya kiwi won ki jaitbru ri-loom ki wym toh na kani ka jylla wow chimbynta næ wow mihkhmat cha ki ADC wei toh u em 37 tylli ki Seat neibynta ki MDC, wa kynthup 35 ngut kiwa dei jied ki paidbah wa arngut toh ki MDC wa dei thung wa kynthup ya kawi ka kynthai.

Chooh chooh u Pynshngain da ong u wa ki da pynsñiaw ki leh wa emkaam wow pynneh bait ya ki dorbar chnong, dorbar Hima wa ki dorbar raij khlem emkaam ya ki Village Council. Wei kamjooh wa toh wow pynkham bor biang ha u Lat wow pyllait næ pyndam ya ki aiñ sorkar pyrdi na ki wa haap hapoh ki ADC.

Ha ini i yachem, neiliang kiwa boon ki seiñbhalang leh da pynsñiaw ki yei e yumut yong ki neibynta i myntoi ya ka jylla.

Ka Angela Rangad wa ka Agnes Kharshiing da pyntip ki ha ka PSC ya i emkaam wow em kyrpang kiwa mihkhmat kynthai cha ki ADC, wei da pynsñiaw ki leh wa ki ADC toh u man ki kiwa kynthup lang ya waroh khlem da leh chiliang.