Ka Exercise Milan 2020 kawa da khut pynman da ki chipai duriaw ka ri namo ka Indian Navy ha uni u snem u sdang ko nadooh ka 18 hadooh 28 Wisu (March) 2020 ha sorbah Vishakhapatnam hajrong ka phang ‘Synergy Across the Seas’ namo i yatohlok cha chiliang duriaw.
Ha uni u snem ka Indian Navy da khut sñiawbha ko ya ki Navy na ki 41 tylli ki ri ka pyrthai heiwa da pyntikna wow wan chimbynta da ki Navy na ki palat 30 tylli ki ri.
Ya i pynkhreh neibynta kani ka Exercise ka wow man ha Eastern Naval Command (ENC) da wan sylli da u Vice Admiral SN Ghormade, Chief of Staff ENC, wa ki bor pynlai ki chnat sorkar waphær waphær.
Kani ka Exercise daw yarap ko u wanrah yei yajan wei yasñiawthooh hapyrdi ki chipai duriaw yong ki ri ka pyrthai wow kreh neibynta ka jooh ka thong.
Ha uni u snem neidaw wa boon ki ri wow chimbynta ha kani ka Exercise da kyrriah noh ya i thaw wow pynman ya ka na Andaman and Nicobar cha Visakhapatnam neibhah wa ka Vishakhapatnam da ye ko wow pynman ya ka International Fleet Review (IFR) ha u 2016.
Ka Exercise Milan toh kawa da pynman man la u snem da ka Indian Navy wei da sdang ya ka nadooh u snem 1995 heiwa da wan chimbynta dang du soo tylli ki ri donhi.
Katkam wa man katni, ha uni u snem ki ri wa da pyntikna wow wan chimbynta kynthup ki ya ka Russia, South Korea, USA, Iran, Sri Lanka, Bangladesh wa kiwi kiwi.
Discussion about this post