Shillong: Ka Meghalaya Football Association da pynbna ko waka Shillong da daw pynman ko artylli ki yalehke pyrchah yaka liang kynthai ka Bhutan kiwa mihkhmat yaka liang National U-17 yong ki, ki wow man kam ki yalehke ka FIFA Friendly Match haka 21 wa 23 tarik uni u bnai.
Ya kini ki yalehke u pynman ha JN Stadium, Polo ki wow pynman daka MFA deiwa ya krehlang waka Directorate of Sports and Youth Affairs. Ki yalehke u sdang ki heipor 6:00 waje i miet wei ka bai psiah man ko mynkna ya ki paidbah.
Ka Manager ka Meghalaya ka Darihun Sari da pyntip ko wa kiwa yalehke toh kiwa da chimbynta haka Subroto Cup wa Sub-Junior National Championship wei kini ki yalehke daw yarap ki wow pynwandur ya kiwa yalehke.
“Kiwa yalehke ka Bhutan man ki kiwa heh wa kmai bru wei kiwa yalehke yong i toh kiwa 14-15 snem i rta wei daw theh lut ki haka yalehke,” da ong ko.
Kiwa yalehke ka Meghalaya:
Ayushika Thapa, Ibaaihun Kurbah, Eusibia Kharkongor, Darisha Kharlyngdoh, Kerdalin Wanshong, Badarisha Kharumnuid, Napale Lytan, Sanfida Nongrum, Cathrine Kharkongor, Fragrancy Riwan, Sunalinda Iawren, Wandashisha Marwein, Riteihun Thangkhiew, Da-aijingmut Basawiamoit, Joyceeful Rymbai, Naphishisha Kharkongor, Fedelia Lamare, Nazareen Nondhar
Kiwa yalehke ka Bhutan:
Sonam Choden, Deki Lhazam, Deki Yangden, Karma Zangmo, Karma Wangmo, Icarma Wangmo, Yeshi Bidha, Sonam Tshomo, Pema Choki, Kelden Lhamo, Sonam Lhamo, Kinzang Dema, Tshering Lhadon, Tshering Yangdon, Sherab Pelmo, Pema Yangzom, Choney Zangmo, Neelu Maya Rai, Karma Yuden, Ngwang Tshomo
Ha i dur na tidiang: Bhutan manager Kunzing, Bhutan coach Yeshi Wangchuk, Bhutan captain Sonam Choden, Meghalaya player Sanfida Nongrum, All India Football Federation Development Officer Andrew Suting wa kawa yalehke ka Meghalaya ka Kerdalin Wanshong.
Discussion about this post