Haka yalang ka Meghalaya People’s Labour Union (MPLU) waka Joint Coordination Committee of Commercial Vehicles (JCCCV) kawa pynman haka 20 tarik ha Shillong da yaklam hajrong i eh i khoo wa chem kiwa kamai Tourist Taxi wa ki Local Taxi hapoh ka jylla Meghalaya.
Da ong wa kamwa man katni ym em yoh myntoi ki tre jylla neibhah na ki palat 600 tylli ki kari kamai kiwa wan man ka sngi toh kiwa na baar jylla kiwa kit ya kiwa uiñke suwari cha kiwa boon ki thaw uiñke ka jylla. Kini ki kari em ki por em ki hadooh 2000 tylli chi sngi. Kamtæ ym em pynmih kreh namo pynyoh nong ki ya ki tre chnong tre thaw.
Da ong leh wa ini wanrah ko du i pyntngit yaka la-ær, i boon i noh roi ya ki Plastic, i yah kari khlem akor ha ki thaw wa maa kam ha Sohra, Mawlynnong, Dawki, Mawphanlur wa kiwi kiwi iwa da pynbood naam wa sih yaka jylla.
Ka MPLU waka JCCCV da rai ki wow ya krehlang yow chem ya ki laad ki luti wow wanrah yei yoh khih ya kiwa kamai kari hapoh ka jylla neidaw wa ym em wa pait yei rukom ku ka kaam uiñke suwari hapoh ka jylla heiwa hapoh ka JCCCV em 18,000 tylli ki kari kamai iwa da ktah ya chi lak ngut ki bru na ki 15,000 tylli ki manyung wa em ha ri-loom Khasi wa Jaiñtia.
Heiyatoh waka Meghalaya Residents Security and Safety Act, 2016, da ong waka sorkar jylla toh u booh ki yaki kyndon yei rukom psiah ki Tourist Taxi na baar jylla cha ki thaw uiñke suwari iwa daw wanrah smat yei myntoi ya kiwa kamai kari napoh ka jylla wa kiwi kiwa emlang ha kani ka khih.
Daw chna leh yaka Working Committee ka MPLU waka JCCCV yow boodien ya ini wa da rai, yow pynman leh ya ki sñiawthooh paidbah yow man kiwa syndong hawa yah kari. i pynsñiawthooh chaphang ka Motor Vehicle Act wa thymme waka MRSS Act 2016.
Daw puræ bniah leh yaka Draft Meghalaya Motor Vehicle Rules kawa booh hakhmat ki paidbah katni wei paw phah leh cha ka sorkar ya ki tyrwa yow pynmiat pynbha yaka.
Discussion about this post