Ka Hynñiewtrep Youth Council War Jaiñtia Circle ynne ka 24 tarik da lai hiar ko cha ka chnong Nongtalang wow sylli ya ki sainar bordiñ ha katai ka chnong hei yahkhmat u President, u Yoodahunki Shylla wa u General Secretary u Tohmondiam Mukhim deiwa synran lang ki dkhot.
Ha ini i lai sylli, ka seiñ da chem ko wa ya ki sainar bordiñ hajan ka madan Nongtalang Football Playground toh kiwa booh yei maa yaki paidbah chong chnong katai ka chnong.
Da chem leh wa hajan ka Nongtalang Govt. Secondary School wa hajan ka IB Nongtalang em ki sainar kiwa booh yei eh yaki paidbah neibhah katkam wa chem, kitai ki sainar bordiñ ye ki wow wanrah yei jia wa sñiawsih ha iwon iwon i por khamtam ya ki khynnah skur katai ka skur neibhah ki khynnah kattu da jan sdang skur.
Ka seiñ da dawa ko leh yaka MeECl wow booh yaki Linemen ha katai ka chnong neibhah katkam wa man kattæ katai ka chnong ym ko ya u kini ki bru wei wow leh noh ya iwa emkaam heiyatoh wa ki saiñar bordiñ.
Discussion about this post