Kyrmen u Pius wow jop ya ka Election MDC ha Langrin

Shillong: U MLA ka Ranikor da yooluti u wa daw man u kam u kyrtong ka UDP neibynta ka Election MDC chiteiñ samoi na Langrin, u Pius Marwein da pyntikna u wa ka Party daw yoh ko ya i jop ha katai ka Election cha KHADC ka wow man ha 28 tarik u Thohlakhmi.

Hawa klam ynne ka sngi, u Marwein da ong u wa em kyrmen wow yoh ya i jop hadien wa ka UDP na Ranikor wa Langrin Circle da pynsñiaw ki yei chaniah wow pynyakhun da oo ya katai ka Election.

Da ong u wa nadooh wa ka UDP jop ko ya ka MLA wa MDC ha ka thaaiñ, ki paidbah daw e biang ki ya ka kyrchaan wow yoh biang ya i jop.

Hawa kylli, da ong wa neiliang ka HSPDP nadooh nyngkong da e kyrchaan wei katni leh da yaklam wow ya krehlang kamwa da pynbna da u President ka HSPDP.