Yachem ka East Jaiñtia Hills District Swimming Association wa u Member Secy ka MSPCB wow pyrchah yaka Public Hearing ka Star Cement

Ynne ka sngi, kiwa kitkaam ka East Jaiñtia Hills District Swimming Association da lai ki wow yachem ya u Member Secretary ka Meghalaya State Pollution Control Board (MSPCB) wow pynsñiaw yei pyrchah lyngba i thoh hajrong i thmu biang sa chisien ka Board wow pynman ya ka pynsñiaw paidbah næ ka Public Hearing ha Brichyrnot neibynta ka Star Cement Ltd kawa kwah wow yohbor u tih ya u moochuni na ka paar kawa heh hadooh 42.051 Hectare. Ya katai ka pynsñiaw paidbah daw pynman ha ka 30 tarik uni u bnai.

Kam wow pynkynmoo wa ka Swimming Association da ya chimbynta ko wow pyrchah ya katai ka jooh ka Public Hearing ha ka 19-10-19, heiwa i thmu wow pynman ya katai ka Hearing da hap pyndam noh ka neidaw wa pyrchah joor na ka 6 Shnong Wah Lukha Association, ki seiñbhalang kam ka KSU, JSM, JSU, STIEH, UHM deilang wa ki paidbah. Ha katai ka 30 tarik leh ka Swimming Association da yieñ skem ha ka jooh ka yurim wow pteiñ yei pyrchah.

Ka yurim wa ka Association ka pyrchah ko toh wa katai ka paar moochuni em ko hajan ka Narpuh Wildlife Sanctuary wei katai ka thaw haap ko hapoh ka Eco-Sensative Zone. Wei lada elaad ya katai ka Company wow tih moochuni, khlempep daw ktah ya ka soodong sookun ka rymaw, nadooh ki mrad ki mreng, ki sim ki doh kiwa em boon jait, ki wahdooid ki um baam um dih daw raw ki wei ki jakhlia waroh daw tooid cha wah Lunar waka wah Lukha.

Chooh chooh da pynsñiaw wa ka Association man u snem da pynman ko yaka e sikai mynkna ya ki khynroo wow yimpa ki ha ka wah Lukha neibhah wa ka District ym em ko yaka Swimming Pool.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da e khublei leh ya u DC uwa da wanrah ya ki laad ki luti wow pynkhooid yaka wah deiwa chna ya ki STP wa ETP, tangwa ym em yatoh ko waka Public Hearing. Deiwa ong leh wa man ko ka kamram hi yong ka sorkar wow chimkhia wow pynkhooid ya kitai ki wah, neibhah wa i jakhlia ka wah da jia nadooh u 2007, heiwa ka sorkar da slem palat ko.

Kamtæ lada ka Pollution Board lai ko chakhmat wow pynman Hearing, ka Association daw pyrchah bait. Ka Association da kyntu ko ya ki paidbah wa toh u khyrngiat noh chwa wow sep ka sngi.

Ka kyrwoh na u R. Shylla Adviser East Jaiñtia Hills District Swimming Association wa u TL Gympad, General Secretary.