Jowai: Ka 10th National Voters’ Day da lehkmen yaka ha Jowai ha District Library Auditorium ynne ka sngi. Da emlang ka Additional Deputy Commissioners, West Jaiñtia Hills ka R.S. Manners, MCS, u P.K. Boro, MCS, Extra Commissioner Assistant, ka DD Syngai, MCS waka B. Blah, MCS, u O. Lamin, MDC, JHADC, u P. Lyngdoh, Ex- MDC, ki wakreh ka Election Branch, u L. Pohtai, waheh chnong ka Mynthong, ki khynnah puræ wa kiwi da ya emlang ki. Ka phang ha uni u snem toh “Electoral Literacy for Stronger Democracy.”
Yow pynchlur ya kiwa thap Vote kiwa dang khynroo, ka yung krehkaam u Deputy Commissioner Election Branch District leh burom ya 15 ngut kiwa thap Vote kiwa dang thymme kiwa kynthup ya ki le ngut kiwa em yei duna hei doh i pran.
Ka D.D. Syngai, EAC hawa e yei klam wai phang da khana ko yei thong ynne ka sngi yow pynchlur ya waroh kiwa da yoh Vote khamtam kiwa dang khynroo wow chimbynta ki haka Election.
Da pyntip ko leh ya kani ka NVD daw leh warom ha waroh ki Polling Station wei daw lehburom ya kiwa dang yoh Vote ha ki jar jiar ki Polling Station yong ki.
Hadien ini, u P.K. Boro da yahkhmat u wow khlai ya ka smai.
Yow pynsñiawthooh chooh chooh ya ki khynroo khyllood, ka yung krehkaam u Deputy Commissioner Election Branch da pynman ki ya ki yakob kam i Drawing, Painting, Essay wa Extempore Speech hajrong ‘Electoral Literacy for a Stronger Democracy’ haka 23 tarik uni u bnai wei da e khusnam cha kiwa jop deilang wa ki Certificate.
Discussion about this post