Ka JSU seiñbei lyngba u Education Secretary, u Request Pakma da ong u wa em i tkoh krehkaam ha ka skur Government Girls Higher Secondary School kawa em ha Jowai neidaw wym em Principal wa Vice Principal ha kani ka skur wa da wanrah ya i eh ha ka puræ puthi wa i tkoh krehkaam ha ki rukom waphær waphær ha ka skur wei da wanrah ya i doohnong kawa khroo ya ki khynnah skur kiwa thrang ya i nang i stat. Kamtæ ka seiñ da dawa ko na u montri wa toh u pait yaka chnat puræ puthi yong ka sorkar Meghalaya u Lahkmen Rymbui wow thung noh syndon ya u Principal wa Vice Principal chwa wow sdang skur.
Ka seiñ ka dawa ko leh wow wai biang ya ka Hostel kawa hadooh katni ym em iyi iyi i chna pynmiat ya katai ka Hostel. Ka JSU da ong ko wa boon ki khynnah skur toh kiwa wan na ki chnong kiwa jngai kiwa thmu wow sah ha kani ka Hostel tangwa da booh ko yei eh ya ki khynnah skur wow sah neibhah hadooh katni kani ka Hostel da jæd da pra ko wei ym em i chna yaka neiliang yong ka sorkar.
Ka JSU ka dawa ko na ka sorkar wym toh du wow maham ha ki kot khubor wow khang khyrdep ya ki 200 tylli ki skur wei toh u pynbha wow kyntu chwa ya ki skur kiwa pynlai da ka sorkar yow yoh myntoi ki khynnah skur yong ka jylla.
Also Read: Dooh Hostel ki khynnah puræ ka Government Girls HSS Jowai wa jan oor ka Building
Discussion about this post