Jowai: Ynne i janmiet kam chibynta yong ka lehkmen Republic Day, ka West Jaiñtia Boxing Association (WJBA) chirup wa ka District Administration ka West Jaiñtia Hills wow pynku ya ka yalehke Boxing da pynman ko ya ka lympung Boxing Fight Night.
Ya kani ka lympung da pynman ha Madan Moosaphir (Ummulong Tourist Taxi Stand), hajan ka Jowai Police Station.
Chwa wow sdang kani ka lympung da em ka yalang wa tbian heiwa u MDC ka Jowai North u Brightstar Chyrmang da man u kam u kongsan katwa u DC ka District u Garod LSN Dykes won da man u kam u symbood kongsan.
Ha kani ka sngi da emlang u Addl. SP ka West Jaiñtia Hills, u Bijay Chhetri, u DSO ka District, u Khroobok Passah, u Vice President ka seiñ u Wanbait Ksoo wa kiwi kiwi.
Ya kani ka yalng da pynlai da u General Secretary ka seiñ, u DRM Buam heiwa da yoh ya ki kyntien khublei na u Advisor ka seiñ u Sajeki Passah.
Ha kani ka lympung da wanmih ki khloor ka ri-loom Jaiñtia kiwa chah sikai ha ka WJBA wow pynyoo ki ya ka sap yong ki.
Ha kani ka lympung ka yaleh yong ki kynthai kiwa jop man ki kamni hawah:
Ka Rikideilang Langstang da jop ko ya ka Rimi Suchiang.
Ka Basiadiamki Talang da jop ko ya ka Niawki.
Ha ki liang ki chynrang won kiwa jop man ki kamni hawah:
U Ryngkatdor Rymbai da jop u ya u Victodio Passah.
U Albert Suiam da jop u ya u Jason Chympa.
U Wametre Dkhar da jop u ya u Wanchandame Lamare.
U Ram Lyngdoh da jop u ya u Hamutmi Synnah.
U Heithrang Suchiang da jop u ya u Chibaitmi Biam.
U Badonkupar Synnah da jop u ya u Winner Talang.
Discussion about this post