Ynne ka sngi da pynman ya ka yachemlang ki Self Helf Group (SHG) namo ka Get Together ki 5 Clusters wa kynthup ya ka Shangpung, Khliehrangnah, Thadmuthlong, Kyndong Tuber wa Mynso.
Ya kani ka yachemlang da pynman ha Shangpung Moosyiem da ka National Rural Livelihood Mission (NRLM) Laskein C&RD Block.
U Montri ka sorkar jylla, uwa man leh u MLA ka thaaiñ, u Comingone Ymbon da man u kam u kongsan ha kani ka sngi.
Ya ka yalang da pynlai da u Dr. B.S. Langbang, BDO & Chairman, NRLM, Laskein C&RD Block, hei emlang ki Waheh Chnong ki chnong ka thaaiñ, ki sahep sorkar, ki dkhot ki VEC wa kiwi kiwi.
Ka thong wa pynman ya kani ka yachemlang toh wow elaad ya ki SHG wow yaphyllu yumut ki para ki khnang wow ye ki u pynjanai ya ki kaam yong ki wei wow wanrah ya i yajan hapyrdi yong ki.
U Ymbon hawa e yei klam da pynchlur u wow pynman ya kam kini ki yachemlang ka wow wanrah ya i yajan khang wow ye ki u khana yeiwa chem ki wei neitæ won ki dkhot u ye ki u pynjanai yei kreh yong ki wow ye ki leh u pynku yei yoh i kamai ki.
Da kyntu u leh ya ki dkhot wa hajrong ki kreh wa leh ki ye ki leh wow rep ya u syiñ chyrmit wei wow kreh chirup khnang wow ye u pyndap yei dawa ya u chyrmit.
Da khoh u leh ya i pyrtuid u chyrmit Lakadong uwa da naam ha kylleiñ ka pyrthai wei kyrmen u wa ym chitom wow pynlai yaw ya oo wei da kyntu u leh wow man kiwa lehkhooid khamtam ki talawiar soodong sookun ka chnong ka thaw.
Ha kani ka sngi da saam leh ya ki Certificate cha ki SHG wa kreh bha ha kini ki 5 Cluster wei da pynphooh ya kani ka sngi da ki chaad waphær waphær.
Discussion about this post