Shillong: U Chairman ka KHADC uwa man leh u MDC ka Mawkhar-Pynthorumkhrah, u Pynshngain N Syiem uwa em ha i liang ka UDF, da kam u wa i kwah ka sorkar jylla wow pynkrehkaam da ka synchaar Administrator’s Rule (AR) ha KHADC da man i iwa sepai wei ym man i katkam ki aiñ.
Ynne ka sngi, hadien wa pynksan ka High Court ya i bor ha u CEM wow thung EM wa Dy.CEM, u Pynshngain da ong u wa ka AR kawa nyngkong wa ong ki wa kammon u Chairman khut u ya ka Election CEM khlem mynjur u lat deiwa pynche ya u lat wa lada u CEM u iehkaam (Resign) u cha baar ka yung dorbar, toh i kaamram u Lat wow khut ya ka dorbar tangwa lada chah pynhiar u ha yung dorbar, da e bor ya u Chairman wow thung hapoh 48 kynta ya u CEM, wei da leh yeini khlem tyngkheiñ ya ka aiñ.
Da ong u wa i thmu wow pynkrehkaam ya ka AR kawa ar, da e daw ki wa u Chairman ym em phah u ya i yaklam ka yung dorbar cha ka District Council Affairs (DCA) wei da phah cha ka Deputy Commissioner tangwa ini man i iwym ye u man. Da ong u wa da kam ki katni em ki 16 ngut ha ka kot sada tangwa ymtip katwon ngut u poi ki ha ka yung dorbar. Da pynrap u leh wa u khut ya ka dorbar kyrpang emkaam 20 ngut.
U Pynshngain da ong u leh wa ka yakhun ympu kut ko heiyatoh wa i kaam ha KHADCneibhah ka hukum ka kasari da booh ko ki kyndon ya u CEM wa haap pynsakhiat u ya i boon paaid wei khlem ini ymye wow man CEM.
Da kam u wa ka UDA em ko 16 ngut wei ym em wa khih hadooh katni wei da ong u wa da em i pynbait wa ka Grace Mary Kharpuri wow yoh ko yei kyrdan wa biang hadien wa da mih noh ko na ka UDF.
Heijooh i oor u MDC ka UDP na Sohra, u TW Chyne da ong u wa jop ki ya ka mukotduma tangwa i boon paid daw jop ka UDA neibhah em ki 16 ngut ki wym mih de deiwa pynrap wa daw pynyoo yei boon paid ha ka yung dorbar.
Discussion about this post