Shillong: Ka yalehke ka Meghalaya pyrchah yaka Bihar haka sngi wa le ka Ranji Trophy ha Patna, da ye ka Bihar wow kamai 359/4 hadooh wa kut ka yalehke deiwa tam da 388.
Ka Bihar da pteiñ ko na 67/2, heiwa u Yashaswi Rishav (150) wa u Rahmat Ullah (105 Not out) da kami spah Run ki. U Ravi Teja uwa pynhaap ya u Rishav, wa u Aditya Singhania toh kiwa kawang bol wa yoh u pynhaap Wicket ynne ka sngi.
Ha kawi tawon ka yalehke, ka Meghalaya da sang ko yaka yalehke U-23 Col CK Nayudu Trophy ynne ka sngi pyrchah yaka Sikkim ha Guwahati.
Ka Sikkim da jop ko yaka kylla khlem wei da phah Bat nyngkong ko yaka Meghalaya kawa ha iwi i por da yoh ko 78/6 tangwa u Anish Charak (64) wa u Adarsha Joshi (20) da kamai lang ki 71 Run wa ka 46 Run na u Mukesh Ray iwa da pynyoh yaka Meghalaya 219 Run (All out).
Ka Sikkim hawa Bat ko da yoh ko 59/2 hadooh wa kut ka sngi iwa bood da 160 Run. U Elchiang Ch Momin (1/13) wa u Kishan Lyngdoh (1/15) toh kiwa yoh u pynhaap Wicket.
Discussion about this post