Jowai : Katkam ka yutip wada yoh naki pulit da ong wa haka miet yongka 5 tarik ki damok da tooh ki yaki Battery Bank wa chongdor kamwa T. 60,000.
Kini ki battery toh ki yong ka M/s Bharti Infratel naka chnong Laskein, West Jaiñtia Hills.
Heijooh ipor dayoh yaka ujor na u Dr. Jonuaring Nongtdu, CHC Khliehriat, East Jaiñtia Hills.
Ha kani ka ujor da kynnoh wa haka 2 tarik uni u bnai heipor kamwa 10 waje i step heiwa ki damok da psiah yabor ki chapoh ka OST Centre.
Ha ini i jia ki damok da tooh ki ya kawi ka printer naka CHC, Khliehriat.
Heiyatoh wa kini wa jia ki pulit da register ki yaka case wei dang takit ki yeini waroh.
Discussion about this post