Dawa ka EJNC wow wai noh ya ka Residential School ha Byndihati

Shillong: Ka East Jaiñtia National Council (EJNC) da dawa ko na ka sorkar wow wai noh ya ka Residential School wa ya ka Teachers Training Centre kawa em ha Byndihati, East Jaiñtia Hills District.

Hawa klam ynne ka sngi wa ki laad pathai khubor ha Shillong, u President ka EJNC, u Sambormi Lyngdoh da ong u wa ka seiñ u pyrchah ko leh lada ka sorkar ka thmu ko wow rah noh ya katai ka thaw puræ na katai ka District.

Da pyntip u wa hajrong ini i bynta, ka seiñ da lai ko wow yachem ya u Montri ka puræ puthi ka jylla, u Lahkmen Rymbui ynne ka sngi, tangwa ym yohlaad neibhah wa u Montri em u cha baar na Shillong.

Da pyntip u wa kani ka thaw puræ toh kawa da dep chna kattu la kattu katni por, wei ka sorkar ym pu em pynbiang ko ya ki tiar wei wow thung noh ya ki wakreh. Da pyntip u wa ya ka Teachers Training Center wa ka Residential School toh kawa sdang u chna nadooh ka sorkar warim ha ka thaw wa da e sñiawbha da ka chnong Byndihati wa Umtyra.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh u Sambormi da ong uwa ka seiñ ka pynsñiaw ko yei sñiawkhia lada pynlut ke ya ka poisa ki paidbah, neibhah i wym pynkrehkaam ya katai ka thaw puræ, da pynman noh ya kiwa ki bytna wow sdang sih ki.

Hawa kylli, da ong u wa ka seiñ daw yang chwa ko hadooh wa yoh u yachem wa ka chnat sorkar wei ym em booh por mynnu wa ka sorkar toh u wai noh ko, tangwa lada ka yaklam ym mihsoh ko wei ym pynkrehkaam namo em i thmu wow kyrriah noh ya katai ka thaw puræ, neiliang ka EJNC daw yaklam ko wa ki dorbar chnong ka thaaiñ chwa wow chim yaka luti wa khor.