U-23 Women’s One-Day Trophy: Jop ka Meghalaya yaka Mizoram da 5 Wicket

Shillong: Ka Meghalaya da jop ko yaka Mizoram da 5 Wicket haka yalehka U-23 Women’s One-Day Trophy ha Cuttack ynne ka sngi.

Ka Meghalaya da jop ko yaka kylla khlem wei da phah Bat nyngkong ko yaka Mizoram deiwa pynhaap ya ki Wicket yong ka da 99 Run. Ka Luiza Tamang toh kawa da leh bha na kiwa kawang bol kawa yoh 4/14 na ki 10 Over. Ka Riticia Nongbet da yoh ko 2/9 na ki 10 Over. Ka Sandria Momin (2/16) waka Neelam Roy (1/23) toh kiwi kiwa da yoh Wicket.

Hawa kdong Run, ka Razia Ahmed toh kawa da kamai boon Run dooh yaka Meghalaya deiwa yoh 29 Run, ka Tamang da yoh ko 19 Run na ki 22 tylli ki bol yow pynjop yaka Meghalaya deiwa yoh 100/5 na ki 33.4 Over wei da yoh ki leh 4 Point.