Sa 10 ngut pyntikna ka Japan wa em Coronavirus ha ka Diamond Princess

Ka ri Japan ynne da pyntikna ko wa sa 10 ngut na ki bru wa da bi ya u khñiang Coronavirus hapoh ka jhaad Diamond Princess Cruise Ship ya kawa da kset pynsangeh namo Quarantine hajan ka sorbah Yokohama, Japan.

Ynnin kiwa em ya uni u khñiang da pyntikna wa em ki 10 ngut wei sa kiwa pyntikna ynne da kynjoh ki cha ka 20 ngut kiwa em Coronavirus na kani ka jhaad.

Ya kiwa bi ya uni u khñiang da kit ya ki cha ki thaw sumaar katwa ya kiwa dang em hapoh ka jhaad dang khangkset namo Quarantine ya ki wow booddien ya u man i long yong ki.

Ka Japan da khang ko ya waroh napoh kani ka jhaad u mih ki khnang wow ye u pynsangeh ya i poor uni u khñiang wei u khang ya ki toh ym duna ya ka 14 sngi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da suba wa uni u khñiang da poor u ha ka jhaad Diamond Princess hadien wa chitom uwi u bru uwa da hiar na ka ha ka 30 Duyatra (January) ha Hong Kong wei da pyntikna wa em u ya uni u khñiang ha ka 1 tarik uni u bnai.

Hadien ini ka Japan da khang kset (Quarantine) noh ko ya kani ka jhaad neibhah wa uni u khñiang poor u na u bru ha u bru.

Katkam wa man hadooh ynne ka sngi kiwa em ya uni u khñiang hapoh Japan da kynjoh i cha ka 45 ngut.