Jowai : Ka Thadlaboh Presbyterian Higher Secondary School Jowai ynne ka 8 tarik da pynkup burom ko ya 65 ngut ki khynnah skur yongka kiwa da pass yaka exam SSLC wa HSSLC wa dang dep pynbna ka MBOSE ha ka 25 tarik u Naisan.
Ha kani ka sngi da em chwa ka yalang wa tbian wa pyllai da ka kong M.H. Khyriemmujat, Principal ka skur, hei emlang ki dkhot ka Balang Ladthalaboh ki bei ki pa ki khynnah skur wada pass chirup kiwa sikai, ki khynnah skur wa kiwi kiwi.
Da sdang yaka yalang dei ktien pdiang burom naka Principal, da yoh leh i rwai kamjooh i puræ na ka ktien u Blai wei ngooh blai na u khynnah puræ class 12 u Chirup Shylla, i rwai kyrpang na ki khynnah class X, class XII.
Neiliang ki khynnah wa pass SSLC, HSSLC leh da e ki i kyntien e khublei ya kiwa sikai kiwa da leh chitom u e i stad i tip yaki kamjooh wada sikai ki ha waroh ki liang neibynta i bha i miat yong ki.
Ka Dr. D. Pariat kam ka kongsan yong kani ka sngi pynkup burom da ong ko i stad i tip toh i wym kut de wei ka thong yong i stad toh u man kiwa chemphang ha waroh ki liang. Kawon kawon ka skur, college næ institute toh ka thaw wow yoh yei stad i tip.
Da kyntu ko wow rap pynchkeh ki chakhmat kamjooh yaki bei ki pa u e ki i kyrchaan wa pura yaki khon heiwon iwon i bynta wa yakhun ki.
Da pynkut ya ka yalang dei ktien e khublei na u Tb K. Susngi, Secretary SMC.
Discussion about this post