Jowai: Ka yung krehkaam yong u Deputy Commissioner ka West Jaiñtia Hills District ynne ka sngi da pynlait paidbah ko yaka Final Electoral Roll ne i pyrtuid kiwa thap Vote haki 4 tylli ki Constituency ka West Jaiñtia Hills District wa kynthup yaka 1-Nartiang, 2-Jowai, 3-Raliang waka 4-Mowkaiaw haka yalang tbian wa pynman ha Conference Room u DC, Jowai.
Da emlang ha kani ka yalang pynlait paidbah wa u Deputy Commissioner u Garod LNS Dykes, ka RS Manner ADC wa pait leh yaka chnat Election nalor ki sahep wa ki dkhot ki seiñ saiñ hima sima næ ki Political Parties wa kynthup yaka INC, NPP waka HSPDP.
Kini ki Final Electoral Roll toh hadooh ka 01-01-2020 wa kynthup ya kiwa da dap 18 snem ha kani ka trik. Ha ka 1-Nartiang Constituency waroh kiwa thap Vote em ki 38726 ngut heiwa ki chynrang em ki 19035 ngut katwa ki kynthai 19726 ngut.
Haka 2-Jowai kiwa thap Vote em ki 36392 ngut heiwa ki chynrang em ki 17083 ngut, ki kynthai won 19309 ngut, ha 3-Raliang Constituency kiwa thap Vote em ki 34544 ngut, ki chynrang 16432 ngut, ki kynthai won 18112 ngut, haka 4-Mowkaiaw won waroh da em 33436 ngut kiwa thap Vote, ki chynrang em ki 16406 ngut katwa ki kynthai won em ki 17030 ngut.
Discussion about this post