Daw jied biang ya ki khynnah yow chimbynta haka Young Scientist Programme

Shillong: Ka Indian Space Research Organization (ISRO) da sdang ko yaka prokram wa kyrpang neibynta ki khynnah skur wa e pyrtuid “Young Scientist Programme” “YUva VIgyani KAryakram (YUVIKA)” nadooh u snem 2019 kam chibynta ka thong ka sorkar pyrdi “Jai Vigyan, Jai Anusandhan” kam chibynta leh i yaleh ka ISRO wow kynjoh ya ki khynnah skur. Kani ka prokram ha u 2019 man ko kawa jop wei ka ISRO da kwah biang ko wow pteiñ ya ini.

I thong wa kongsan toh yow e yutip wei wow e sikai chaphang ka Space Technology, Space Science waka Space Applications cha ki khynnah yow em ki yei thrang wow tip chooh chooh chaphang ka haw haw namo ka Space. Kani ka prokram toh neibynta ki khynnah kiwa dang puræ 9^th Standard yong u snem puræ 2019-20.

Kani ka esikai toh ka wow sah dei sah kawa ar tayaw 11-22 May, 2020. Daw jied le ngut ki khynnah na kawi pa kawi ka jylla wa Union Territory kiwa puræ yaka State/CBSE/ICSE Syllabus. Sa 5 ngut daw jied ya kiwa sah cha baar ri Overseas Citizen on India (OCI). I rukom jied toh katkam ki marks wa yoh ki khynnah heipor wa pyndep ki yaka 8^th Standard wa kiwi de ki kaam wa leh ki, wei yeini toh u leh lyngba ka Online Registration. Kiwa kwah u chimbynta ye ki wow Register Online lyngba ka ISRO website: www.isro.gov.in nadooh 03-24 February, 2020. Ki khynnah na ki jylla ka North East wa West Bengal daw chimbynta ki ya kani ka YUVIKA ha North Eastern Space Application Centre (NESAC). Kiwa chimbynta daw yow ki leh wow lai cha ka ISRO Rocket Launching Centre, Satish Dhawan Space Centre (SDSC), Shriharikotta ha kani ka prokram.

Kiwa chah jied daw sah ki ha ki ISRO Guest House/Hostels wei ka bai lutsan waroh daw e da ka ISRO. Daw e leh yaka bai lai daka II AC Train ya ka bei lane u pa heipor wa li booh wa heipor li thooh ya ki khon yong ki naka Reporting Centre.