Yachem u Sanbor wa u National GS ka BJP yow pynsñiaw yei kyrchaan ya u Conrad

U MLA ka BJP na Shillong, u Sanbor Shullai da yachem wa u BJP National General Secretary u Ram Madhav ha New Delhi yow yaklam ya ki kaam hapoh ka jylla wei wow pynsñiaw yei kyrchaan yong oo ya u montri rangbah u Conrad K Sangma.

U Sanbor Shullai da ong u wa oo em u sñiaw wa rap phær wa u para MLA ka Party u AL Hek wei oo kyrchaan u ya u montri rangbah u Conrad Sangma. Da ong u, “Nadooh ka sngi nyngkong wa embynta i haka sorkar, nga yieñ O haka yurim wow pynbait ya kiwon kiwon ki moo chynthut wei wow thooh laad yow pynman yaka sorkar kawa jop. I ya sñiaw yaphær yumut, i ya pynbaad toh kiwa pynlut por pynlut bor heithaw wow pynlut por yow pyndep ya i kaam wow chakri ya ki paidbah wei wow pyndep ya ki kaam wa da sdang.”

Da ong u leh wa i duna bru ka chnat pulit da man ko i daw wym ye ki wow kdoh u khoom ya waroh ki kaam pyrchah yaka aiñ, wei neidaw waka jylla yong i toh kawa dang yaleh wow pyndap pynbiang namo ka Developing State kamtæ boon ki chnat sorkar leh chitom ki wei em ki leh ki duna wa da slem kiwa emkaam wow pyndap. Da ong u leh wa i yakrehlang wow pyndooh yei tlot i krehkaam toh iwa emkaam dooh katni yow pyknkhlan yei krehkaam ka sorkar wei toh u man ka thong yong waroh yow wanrah yaka roi ka paar.

Heiyatoh won yei tih wa u wa i challan pyrchah yaka aiñ ya u mooyong da ong u wa i dai lilam wa i e kti cha ka Coal India Limited toh u pyndep smat wei emkaam leh u yoh yei pynbait wa hun ki paidbah wei yow yoh myntoi leh ka jylla kawa da dooh nong bha nadooh wa khang yei tih mooyong. Da ong u leh wa emkaam ya kiwa em hapoh ka sorkar wow boodien yow ban ya u montri rangbah wa ka sorkar u leh ko ya iwa da hukum ka Supreme Court yow pynsmat leh yei chna Mining Policy yow yoh leh yei mynjur (Clearance) wa boon jait yow sdang biang yei tih mooyong khlem em de iwa man pyrchah yaka aiñ.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hawa pynche won yei ong u Hek, da ong u wa oo ym tip u chaphang itæ i ya e kylliang yaka chuki montri wei da yaklam ya ini wa ki heh ka Party wei kwah u wow em ka mynjur lang hapyrdi ki ar MLA wei lada ye wow leh ya ini daw wanrah ko yei ryntih i krehkaam wei daw wai luti ko leh ya kiwa boon wow psiah chapoh ka Party. Da ong u leh wa kwah u wow pynbait chwa ya kiwon kiwon ki kaam yow lait ko wow wanrah yei thut hadien ha bood.