Shillong: Ka Meghalaya Human Rights Commission (MHRC) ya kawa da sdang ha u Naiynñiaw 2016 katni da man ko kam ka Commission wa pura.
U Justice T. Vaiphei, uwa man leh u Retired Chief Justice ka Tripura High Court wa kam u Chairperson ka Assam Human Rights Commission ha ka 7 tarik uni u bnai da chimkti noh u kam u Chairperson ka Meghalaya Human Rights Commission (MHRC) hei emlang u Acting Chairperson u PJP Hanaman, ka Baffyndalyne Giri, Hon’ble Member (Judicial), wa ki wakreh ka Commission.
U Justice T. Vaiphei da kha ha ka 1 Wisu 1956 wei da pyndep u ya ka Graduation ha u 1976 wei da pyndep u ya ka LLB ha u 1979 na Faculty of Law, University of Delhi.
Da psiah u ha ka Bar Council of Assam ha u 1980 wei ha u 1999 da thung ya oo kam u Additional Advocate General ka Mizoram.
Da man u kam u Additional Judge ka Guwahati High Court ha u 2003.
U Justice T Vaiphei da thung ya oo kam u Chief Justice ka Tripura High Court ha ka 21 Naikhynde, 2016.
Hadien wa chong-ngiah u ha u 2018 da thung ya oo kam u Chairperson ka Assam Human Rights Commission.
Discussion about this post