Shillong: Ka State Level Conference on Census of India 2021 (Houselisting & Housing Census Operations and Updation of NPR) da pynman ya ka ynne ka sngi ha Conference Room ka Main Secretariat, Shillong.
Ya kani ka Conference da pynman da ka Directorate of Census Operations, Meghalaya wa ka GAD (B), State Nodal Department for Census, heiwa da emlang u montri rangbah ka jylla, u Conrad K. Sangma.
U Conrad hawa e i klam da ong u wa ka Census toh kawi na ki kaam wa heh dooh ha ka pyrthai ya kawa da leh man ka 10 snem katwa kamtæ emkaam i yakrehlang yong waroh ki chnat ka sorkar khnang wow yoh thij ya ka Census.
Da ong u leh wa ha ki por wa dadep em i duna heiwow ye u pyndep paka ya ka Census tangwa emkaam wow pyntikna wa kiwa lai chim yukheiñ na man la ki thlu-yung u sñiawthooh ki kammon myntoi hawa yoh ya ka yukheiñ kawa paka.
U Chief Secretary, M.S. Rao da ong u wa i lai chim yukheiñ u man i iwa thij khnang wow ye u myntoi wei wow pynsuk yei rukom krehkaam ka sorkar ha ki snem wow wan.
Ya ka Census of India 2021 u pynkrehkaam lyngba ka Mobile App wow chim ya ki yukheiñ wei daw phiah ya ka ha ki ar bynta (Two Phase). Ka bynta wa nyngkong u kynthup ko ya ka Houselisting wa ka Housing Census Operations wa ka Updation of NPR katwa ka bynta wa ar won wow kheiñ yei boon bru.
Ha kani ka sngi da yoh leh ya i batai na u J. Beda, Director (Census Operations Meghalaya), Govt. of India.
Discussion about this post