Kam ka Ampareen wow yoh yei jop neidaw wa piah ka UDP ha Langrin

Shillong: Kawa yahkhmat yaka Congress ha Meghalaya, ka Ampareen Lyngdoh da kam ko wa ka Party da ya tylli biang ko ha Langrin na i wan uiñ kiwa yahkhmat, wa na i wan pynyabi kiwa yahkhmat ka UDP wa NPP ha katai ka Constituency wow pynkhreh ya ka Election MDC chiteiñ samoi.

Da ong ko wa ka Congress da pynkhreh bha ko wow yoh yei jop ha katai ka Election, deiwa kam leh wa ka yakhun hi da u MLA ka Ranikor ya katai ka Election daw yarap ko ya ka Congress neibhah wa piah ka UDP.

Da kyntu ko ya ki paidbah ka Langrin wow kyruiñ biang cha ka Congress ha katai ka Election hajrong ki yurim kiwa toh, deiwa pynbaad wa ka NPP toh ka Party kawa kyrchaan ya ki aiñ kiwa man pyrchah ya ki paidbah ka jylla kam ka CAA.