Shillong: Kawa yahkhmat ka Congress ha Meghalaya kawa man leh ka montri warim ka sorkar jylla, ka Dr. M Ampareen Lyngdoh da ong ko wa i kyllooh ha ka sorkar Meghalaya Democratic Alliance (MDA) ym toh wow pynbaad ya kiwon kiwon næ ya ka Congress.
Da ong ko wa ka Congress da kiar ko wow pynkhih ya kani ka sorkar næ wow chna ya ka sorkar du na iwi i daw, wei lada kani ka sorkar wa katni u neh ko toh du na ki kaam wa bha yong ka wei lada haap ko toh nei wym ye ko wow krehkaam yong ka hi, wei ym ye u pynbaad ya kiwon kiwon ki seiñ saiñpyrthai.
Ka Ampareen da kyntait ko wow ong hajrong i dawa yong ki seiñ saiñpyrthai kiwa em ha ka sokar wow knieh noh yaka kaam pohyung (Home) na u James K Sangma neibhah wa toh ka kaam pohyung yong ka sorkar, tangwa da ong ko wa ka sorkar toh u pynbait ko ya ka kaam du para ki, ym toh wow pynyoo paidbah yei piah.
Discussion about this post