I yap ki bru na u khñiang Coronavirus namo u Covid-19 dang ku i kat dang mih ki sngi khamtam hapoh ka Hubei Province ka China.
Neiliang ka National Health Commission ka China ynne da pyntikna ko wa kiwa yap na u khñiang Coronavirus da ku i cha ka 1,362 ngut.
Kamwa man ynnin da pyntikna wa kiwa yap da em ki 1,114 ngut hapoh ka ri iwa mut kiwa da yap na uni u khñiang da kynjoh i cha ka 248 ngut hapoh 24 kynta.
Na kini 242 ngut toh kiwa yap du hapoh ka Hubei Province donhi kawa da chah khangkset (Quarantine) khnang wow lait uni u khñiang u poor.
Du hapoh ka Hubei Province kawa da chah ktah joor tam, waroh kiwa yap da kynjoh i palat 1,310 ngut.
Kiwa da yoh ya uni u khñiang hapoh China da kynjoh i cha ka 59,651 ngut na ka 44,730 ngut.
Da ong ko leh wa katkam wa man katni da chait na i kjut da kynjoh i 5,646 ngut.
Chooh chooh cha baar ka China kiwa em ya uni u khñiang da kynjoh i 445 ngut.
Discussion about this post