Nongstoin: Ki seiñbhalang hapoh ka chatri yong ka Confederation of Meghalaya Social Organisation (CoMSO) WKHD da lai rah lama yong ki ynne ka sngi wa wan poi u montri khynnah ka sorkar pyrdi uwa pait yaka chnat Social Justice & Empowerment u Krishan Pal Gurjar ha ka chnong Nongpyndeng WKHD.
Neiliang yong ka CoMSO da pynman ko leh ya ka lai wa jai jai hakhmat i thaw pynman yalang wa wan u montri ka sorkar pyrdi kam chibynta wow pynyoo ya ka dak yong i dawa wow pynkrehkaam noh ya ka ILP hapoh ka jylla wei ki dkhot yong ka CoMSO da em ki kamwa 15 ngut.
Katwa ka CoMSO dang pynman ko yaka lai wa jai jai deilang wa i rah lama yong wa ki placard, ki bor pynlai ka WKHD da lai ki wow pynsangeh noh ya ki wei khang laad leh wow pynman ya kiwon kiwon ki yakhih ha katai ka thaw.
Kiwa yahkhmat ka CoMSO WKHD hawa yaklam wa kiwa thoh khubor, neiliang yong ki da ong ki wa ym em i sñiawpyrchah ya i wan yong u tai u montri tangwa neiliang i yong ki kam ki seiñbhalang kwah ki wa u montri u yoo u yei dawa yong ki khnang yow lai pynsñiaw u cha ki chkor yong u montri rangbahdooh ka ri u Narendra Modi wa ka jylla Meghalaya ka emkaam ko wow yoh noh ya ka ILP.
Discussion about this post