Shillong: Ki seiñbhalang ynne ka sngi kiwa em hapoh ka lama ka Confederation of Meghalaya Social Organisation (CoMSO) da pynsñiaw ki hakhmat u montri ka chnat kaam pohyung ka jylla u Lahkmen Rymbui, wa i kynreh ya ki poiwiar kiwa wan psiah chaka jylla, daw pteiñ bait deilang wa i ya krehlang wa ki pulit.
U Chairman ka CoMSO u Robertjune Kharjahrin hawa klam cha ki laad pathai khubor hadien wa mih na i yaklam wa u montri, da pyntip u wa da pynsñiaw wa ka CoMSO ym toh ka wow pynmih kulmar tangwa kawa pait yei psiah i mih kiwa na baar kamwa da sdang ynnin ka sngi wei man ko leh wow yarap ya ki pulit.
Da ong u wa da klam che ha u montri wa ym kwah ko wow pynmih ya kawon kawon ka kulmar khamtam ha kini ka por Exam ki khynnah wei i jia chah thang kari ynnin ka sngi ha ki bynta ka nongbah, ye wow man da ki bru wa chim kabu.
U Chairman ka CoMSO da ong u wa i khut u montri kaam pohyung toh hajrong i emkaam ya ka chongsuk chongsaiñ khamtam ha kini ki por wa kiwa lai puræ dang pynkhreh ki ya ka Exam yong ki.
Da kyntait u leh wa ki seiñbhalang da chim ki ya ka aiñ ha kti yong ki deiwa ong wa yarap ki ya ka chnat Infiltration, ya ka chnat pulit yow kdoh u khoom ya ki bru wa wan psiah neibhah wei lada ym yarap ya ki pulit wow pyndooh ya ki kaam sih man ko kawa bakla.
Discussion about this post