Kyrpad ka KJNU ya ka sorkar yow kyrriah ya ka C&RD Block Saipung cha kawi ka chnong

Jowai: Ka Khasi Jaiñtia National Union (KJNU), da kyrpad ko ya ka sorkar yow kyrriah ko ya ka C&RD Block Saipung East Jaiñtia Hills District cha kawi tawan ka chnong kam cha ka chnong Latyrke kawa em ha ka Elaka Sutnga, kawa man ka chnong wa em ha pyrdi yow yahap bha wa kiwi chnong yong ka tai ka thaiñ.

Ka seiñ hadien wa da tip ko wa em i thmu yong ka sorkar yow kyrriah ya ka C&RD Block Saipung hadien wa em wa e yumut yong ki kattu katnu ki bru yong ka thaiñ neidaw wa chem chitom yong ki wa boon kiwa chnong wow lai chadooh ka chnong Saipung.

Ka  seiñ da sñiaw yahap ko weini wei da kyrpad ko ya ka sorkar yow leh smat noh ko yeini wei yow jied ko ya i chnong wa em ha pyrdi.

Chooh chooh ka seiñ KJNU ong ko wa katai ka Block ka kynthup ko hadooh 88 tylli ki chnong kiwa kynthup ya ki chnong Biate wei hadooh 43 tylli ki chnong ki Pnar katkam ka Census u snem 2011.

Related posts

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kamwow pynkynmoo ya kani ka Block Saipung da seiñ ha ka 6 tarik u Naitung (April) 2001, ha ka chnong Saipung wei hadooh katni da dap ko 15 snem. Ka seiñ leh da kam ko wa ki paidbah jooh pynsñiaw ki yei chitom wa em kani ka C&RD Block ha Saipung.

Kamtæ ka seiñ da kyrpad ko ya ki MLA wa ki MDC yong katai ka thaiñ yow ya pyrkhat lang ki hei yatoh wa ini yow pynsuk ya kiwa chong chnong ki constituency yong ki.

U Presient ka seiñ u ma N.N. Shadap da pynsñiaw u ya i sñiawkhia wa khroo wa ka chnong Narwan kawa boon ki  bru hadooh 3372 ngut hap ki u lai chadooh cha Saipung yow pyndep ya ki kaam yong ki.