Heiyatoh wa i chah thang ki ar tylli ki kari haka 12 tarik uni u bnai, ka wi ka Maruti Gypsy wa em ya u number ML-01-5716 ha Langkyrding, Shyiap, Shillong wa kawi ka Bolero Pickup wa em ya u number AS-18C-8797 ha Laitlum, Mawlai Mawtawar, Shillong. Ki pulit da pyntip ki wa deiwa chem sabut na kiwa sakhi dei khmat wa na iwa riñ ki CCTV na pyn ar thaw, da chemdien ya kiwa emkti kiwa pynemkaam yaka thuk thuk wa em ya u number ML-05-K-9946.
Hadien wa pynman yaka takit da tipmit ya ki arngut kitæ u Banshanlang Marboh (26 snem) wa u Henry Kharjahrin (20 snem) wei da kem ya ki heiwa kini ki arngut da phla ki wa emkti ki ha kani ka kaam thang kari wei dang pteiñ yaka takit boi dang em kiwa emkti ha kani ka kaam.
Ki pulit da pyntip ki leh wa kini ki arngut toh ki dkhot ka HYC, Nongthymmai Circle kawa em leh hapoh ka lama ka CoMSO wei ini toh da man i mar dei kylla ya iwa kam wa ka yakhih man ko kawa jai jai wow pynkrehkaam ILP. Chooh chooh da pyntip wa u Henry Kharjahrin toh uwa em yatoh wa u Chairman ka CoMSO uwa man leh u President ka HYC u Robert Kharjahrin.
Ki pulit da phah ki leh ya ki dkhot kini ki seiñ wow yait ki na kiwon kiwon ki kaam pyrchah yaka aiñ wei daw pynchitom ya kiwa emkti.
Also Read: Suba chah thang ka kari sorkar ha Shillong
Discussion about this post