Ynne ka sngi da pynlait noh ya ki 550 ngut kiwa chah khang kset (Quarantine) hadien wa wan thooh ya ki na sorbah Wuhan, China ha ka 2 tarik uni u bnai.
Ya ki 248 ngut wa da khang kset ha Manesar kawa em hajan ka New Delhi da pynlait noh ya ki. Kani ka thaw toh kawa da pait da ki chipai Indian Army.
Ya kini ki 248 ngut da pynlait hadien wa ym em pynyoo ki ya ki dak wa chah ktah ki ha u COVID-19.
Chooh chooh na ki 406 ngut wa chah khang kset won ha i thaw wa kyrpang (Quarantine Facility), wa em ha Chhawla Camp, New Delhi wa pait da ka ITBP da pynlait ya ki 302 ngut.
Da ong wa ki 104 ngut won kiwa em ha Manesar daw pynlait won ya ki hadien.
Kam wow pynkynmoo heini kini ki 248 ngut toh na ki 647 ngut kiwa da wan thooh ka India hadien wa poor u Coronavirus ya uwa da tip noh kam u COVID-19 ha ka sorbah Wuhan.
Chwa wow pynlait ya kini ki 550 ngut da pynman ya ka yalang ha ka thaw wa kset ya ki.
Discussion about this post