Ha ka ri South Korea kiwa yoh ya u khñiang COVID-19 da ku syndet i ar chah hapoh ka 24 kynta yow poi cha ka 433 ngut naka 142 ngut, da pyntip ka South Korean Centers for Disease Control and Prevention (KCDC) wei na kini 62 ngut toh kiwa wan na kawi ka seiñ niam Shincheonji Church of Jesus haka sor Daegu heiwa da suba uwi na ki dkhot da pynpoor u ya uni u khñiang cha kiwa boon.
Ka KCDC da pyntip ko wa dang thooh ki yei pyrtuid yong waroh kiwa em hapoh kani ka seiñ niam wei da yoh yei pyrtuid yong ki 9,300 ngut wei da suba wa i rukom mane hapoh i thaw wa khang sbak da pynsuk ko yei poor uni u khñiang.
Da suba leh wa ha South Korea da poor uni u khñiang na kini ki dkhot kani ka seiñ niam hadien wa wan ki na kylleiñ wow lai tyllep ki ya u payu uwa sdang ya kani ka seiñ niam haka 31 Jan hadooh ka 2 Feb.
Ynnin ka sngi da yap sa kawi ka bru wa 50 snem i rta ha South Korea iwa mut kattu da poi waroh 2 ngut wa yap.
U COVID-19 da poor u leh cha Iran heiwa da yap la 4 ngut wei da em sa 13 ngut kiwa dang yoh thymme ya uni u khñiang wei waroh da em 28 ngut.
Katwa ha Italy won da yap uwi uwa man leh uwa nyngkong wow yap na uni u khniang.
Discussion about this post