Ka East Jaintia People’s United Front chirup i krehlang waka Women Empowerment, ha kani ka 22 tarik da pynman ko yaka Felicitation cum Awareness Programme hajrong ka phang i ktah yong i drugs wei kyiad ha Khliehriat West Community Hall.
U G. Marshyllong DSP East Jaiñtia Hilll District da man u kam u kongsan chirup i emlang ka Violet Lyngdoh kam ka symbood kongsan, da emlang leh u Dr. S. Bareh , u President ka seiñ u D. Rymbai, ki dkhot ka seiñ, ki khynnah wa yoh khusnam wa kiwi kiwi kiwa chah khut sñiawbha.
U DSP hawa e yei klam ha kani ka sngi da yaroh u yaka seiñ wa chimkhia ko u pynman kam kani ka programme kawa e myntoi chiboon yaka imlang sahlang. Ha i jooh i por leh da kyntu u ya waroh kiwa emlang ha kani ka sngi u man ki kam kiwa rah khubor ya iwa da sñiaw ki na kani ka programme khnang waka District u man ko kawa lait na kiwon kiwon ki sih wa boonjait.
U Dr. S. Bareh kam u bru chemphang ha kani ka sngi da batai u ya chiboon ki eh wa mih nei pynemkaam ya ki jaitdih pynmuaid. Da kyntu joor u leh yaka imlang sahlang, ki man yung man sem u sñiawbha ki u chimkhia ya kani ka kaam neibhah kani man ko kawa ktah bha yaka chongsuk chong saiñ ka chnong ka thaw kamjooh ki man yung man sem. Da ong u leh wa kam uwa da man Doctor cha kani ka thaaiñ, chem u chiboon ki manbei kiwa tyngkhooh chiboon ki eh wat hadooh wow chah tba kti ki ha yung ha sem du neidaw wa u pa ka yung man u uwa dih pynmuiad. Kamtæ da kyrpaad u ya waroh ki manbei manpa u syndong bha ki neibhah boonsien ki khon bood ki ya iwa ki bei ki pa leh ki.
Ka symbood kongsan ka Violet Lyngdoh hawa klam ha kani ka sngi da kyrsu kyntu ko ya waroh ki khon ka ri-loom Jaiñtia yow man ki kiwa ya tylli yumut neibhah du i yatylli donhi kawa ye u wanrah ya ka thaaiñ wow lait nei sih kamjooh yow ye u nangku chaphrang.
Yaka yalang ha kani ka sngi da pynlai daka Rinibeth Patlong, ya ki kyntien pdiang sñiawbha da yoh na u President ka seiñ u D. Rymbai, wei yaki kyntien khublei won naka Janika Siangshai.
Da yoh haroh yei rwai kyrpang na ka Gracious Disciple kiwa da e yei rwai chaphang “U Thyrnia Jingpang.”
Ha kani ka sngi da em hadooh 5 ngut ki khynnah ka District kiwa yoh yaki khusnam neibynta i pass bha ki ha ka Exam SSLC wa HSSLC.
Discussion about this post