Jowai : Kamwow pynkynmoo heini wa ha ka 6 tarik uni u bnai da ujor u President ka HNYF, East Jaiñtia Hills, u Julius Nongtdu chirup wa u President ka HANM, East Jaiñtia Hills u Ency Shadap wa u President ka NEIPF u ma M. Biam, da ujor ki pyrchah ya kiwa kreh ka DMR Check-gate, Umkiang East Jaiñtia Hills.
Kini ki le seiñ da kynnoh ki wa khrong poisa kiwa kreh sorkar wa em ha kani ka Check-gate.
Iwa phylla won toh ha kani ka kynti u ma Ambrose Pala, Inspector, Mines Royalty, Umkiang Check Post ynnin ka 10 tarik da ujor kylla u ya kini ki le ngut ki heh seiñbhalang.
Ha ka ujor u ma Pala da ong u wa ha u Wisu (Mar) 2016, ki le ngut ya kiwa da tip kam u (1) Marshall Biam, (2) Ency Shadap wa u (3) Julius Nongtdu, da lai ki cha kani ka Check Post, heiwa da dawa ki T. 30,000 wei da pyntieñ ki u ujor FIR pyrchah ya oo.
U ma Pala neidaw wa tieñ da su u cha ki T. 30,000 wei ha u Naisan (May) 2016 da dawa poisa biang ki na oo wei da pyntieñ da maham ki oo u ma Pala.
Discussion about this post