Ki chipai suiñ ka ri namo ka Indian Air Force (IAF) da lehkmen ko yei dap chisnem yong ka Balakot Air Strike iwa da jia ha ka 26 Thohlakhmi 2019 heiwa da dat bom ya ka ktem ki damok kieñ suloi ka Pakistan.
Ka IAF da ong ko wa ka 26 Thohlakhmi 19 toh ka sngi wow sah kynmoo ya ki kaam ki chipai chynrang wa kynthai yong ka Air Force kiwa da emkti wow pyndep ya ini i dat bom.
Ha kani ka 26 tarik kam ka dak i lehkmen dap chisnem, neiliang u khlieh kani ka chnat chipai, Chief of Air Staff u Air Chief Marshal Rakesh Kumar Singh Bhadauria da pynhær u ya ka lieñsuiñ yapam Mig-21 T- 69.
U Commanding Officer ka 51 Sqn. Gp, u Capt. Kamran Nazeer da pynhær u ya ka Mig-21, heiwa kam ka dak wow pynsahkynmoo ya kani ka sngi da pynhæ leh ya ka 2 tylli ki Mirage wa 2 tylli ki Su-30MKIs.
Ya ini i pynsahkynmoo da pynman ha Air Force Station Srinagar heiwa da embynta kiwi ki bru ka IAF wa emkti ha ka 26 wa 27 tarik u Thohlakhmi 2019.
Discussion about this post