U khñiang Coronavirus ya uwa da tip noh kam u COVID-19 hadooh ynne ka sngi da chim u ya 3,073 tylli ki mynsien du ha ri China.
Ka National Health Commission ka China da pyntip ko wa da em 80,813 ngut kiwa da yoh ya uni u khñiang hapoh ka ri wei kiwa da chait da em ki palat 55,000 ngut.
Uni u khñiang da poor u wot cha baar ka China heiwa da em 19,700 ngut kiwa yoh ya uni u khñiang ha ki palat 95 tylli ki ri ka pyrthai wei kiwa da yap da em palat 360 ngut ha kylleiñ ka pyrthai (khlem kynthup ya ka China).
Ha South Korea donhi kiwa da yoh ya uni u khñiang da em ki palat 7,000 ngut heiwa da yap 47 ngut.
Kiwa da yap ha Iran na uni u COVID-19 da em ki palat 120 ngut katwa kiwa yoh ya uni u khñiang won da jan dap ki 5000 ngut.
Du ha Italy da em palat 4,600 ngut wa yoh ya uni u khñiang wei da yap 197 ngut katwa ha USA da em palat 200 ngut wa yoh ya uni u khñiang wei da yap 12 ngut.
Discussion about this post