Pynkhreh ka Meghalaya ya 13 tylli ki Hospital wow yaleh pyrchah ya u COVID-19

Kam chibynta wow yada nei poor u khñiang COVID-19, ka sorkar Meghalaya da pyntip ko wa da pynkhreh ya ki 13 tylli ki Hospital wow booh ya ki thaw wow kset næ ki Isolation Ward.

Hawa pyntip ynnin ka sngi, u montri rangbah u Conrad Sangma da ong u da pynkhreh ya ki Isolation Ward ha ki 13 tylli ki Hospital wa kiwi ki laad yada wei da paitbniah bha ya waroh iwa jia heiyatoh wa uni u khñiang.

Ini wa dep, u montri ka chnat i chait i khiah u AL Hek da ong u wa ym em uwi leh wa suba yoh COVID-19 hapoh ka jylla. Wei da leh waroh iwa toh u leh yow yada nei poor uni u khñiang.

U montri rangbah da pyntip u wa da phah leh ya ki Hospital ki bru samen wow leh ki yeiwa emkaam, deiwa pyntip leh wa da sylli bha khamtam ya kiwa wan na baar ri pyn na Airport.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Deiwa kyntu ya ki paidbah ym toh wow syier mynsien, u Conrad da pyntip u wa ki 61 ngut kiwa na Meghalaya kiwa lai puræ ha China kiwa da liwan da pait yei long i man yong ki 28 sngi wei 54 ngut da tikna ym ki ya ki dak ki chin wa em ki ya uni u khñiang. Katwa ya ki 7 ngut wa dang sah da jan kut ki 28 sngi wa pait ya ki.

Da pyntip u leh wa ym pynman ya kiwon kiwon ki Trade Fair kamjooh ki yalang paidbah wa heh wa daw wan ki bru na baar ri.