Shillong: Ka District Magistrate, East Khasi Hills District da pyntip ko wa neidaw wa da jai jai i long i man hapoh ka nongbah Shillong, kamtæ hapoh ka Section 144 CrPC da rai wow pyndam noh yaka Curfew ha waroh kawi ka Shillong wa ki thaw wa em chajan nadooh 5:00 AM ka 8th March, 2020.
Ki thaw wow pyndam noh yaka Curfew toh waroh ki thaw Municipal, waroh ki thaw Cantonment, waroh ki thaw wa haap hapoh Mawlai wa Mawpat Block wa kynthup ya ki Census Towns yong ki, waroh ki thaw wa haap hapoh Mylliem Block nadooh yingkieñ Umshyrpi hadooh 7th Mile Upper Shillong, neitæ won ha Madanrting, Mawblei, Laitkor, Nongkseh, Umlyngka, Lawsohtun, Mawdiangdiang, Diengiong wa Siejiong.
Ka Curfew leh ym krehkaam de ko kamjooh ha Iewduh, Paltan Bazar, Stand Jeep nadooh District Council Point wa lai cha thaaiñ Motphran hadooh YMCA, Iew Mawlong wa waroh ki thaw wa haap ha waroh kawi ka Police Bazar wa kynthup yaka sarok na yingkieñ Umsohsun hadooh Khyndailad-GS Road-Boucher Road Junction.
Discussion about this post