Ka Poshan Pakhwada da sdang yaka ha East Jaiñtia Hills heiwa ha Tuber Shohshrieh da wan wai yaka da u K. Muruh, Secretary chnong Tuber Shohshrieh, haka yalang wa pynman kam chibynta ka lehkmen yaka sngi kyrpang ki kynthai namo ka International Women’s Day kawa da wan wow chibynta da kiwa boon ki kynthai.
Neiliang u Muruh da kyntu u ya kiwa chong chnong wow ya krehlang wa waroh ki chnat sorkar wei da e khublei u ya ki kaam wa bha ka ICDS wa kiwi ki chnat sorkar kiwa pynsñiawthooh chaphang i chait i khiah wa ki jait baam wa tei yei doh i pran kamjooh i pyrkhat pyrdaiñ wa chait wa khiah.
Ka R. Passah CDPO da ong ko wa i thmu ka Poshan Pakhwada kawa ar tayaw nadooh ka 8-22 tarik uni u bnai toh yow pynsñiawthooh paidbah hajrong i emkaam wow baam yaki baam wa chait wa khiah, u yoh yei chait i khiah, u man kiwa lehkhooid wa i skem i yoh yei baam. Da ong leh kiwi ki thong toh wow pynduna yei kjut duna snam, i duna khia haki khynnah, kiwa dang khai khynroo wa ki manbei wa punkhon yow yoh ki ya ki khon wa chait wa khiah.
Kiwi de kiwa klam toh u W. Buam District Coordinator ka Swachh Bharat Mission, ka M. Shylla, Sub-Divisional Agriculture Officer, Dr. F. Lamin MO, Incharge Pamra- Paithlu PHC, u M. Wahlang NRHM, ki ktien wai phang naka R. Sariang Block Coordinator wa ki ktien e khublei naka R. Bhoi, Lady Supervisor.
Ya kani ka Poshan Pakhwada da sdang leh ha chnong Tluh, East Jaiñtia Hills District da u waheh chnong u Anthony Pdang hei emlang u P. Suja, Block Coordinator, ICDS, Saipung, Dr. R. Toi, Medical Officer, Sutnga CHC wa kiwi ki heh District kamjooh kiwi ki chnat sorkar.
Discussion about this post