Ka Seiñkur Shylla – West Jaiñtia Hills District Unit da pynman ko ya i yachemlang yong ki khon ka kur wa em hapoh West Jaiñtia Hills District ha ka 7 tarik uni u bnai ha District Library Auditorium, Mynthong, Jowai heipor 11:00 i step.
Ha kani ka sngi da emlang u Chief Organising Secretary ka Seiñkur Shylla Khasi Jaiñtia, u W. Shylla ryngkat u E. Shylla wa ka J. Shylla kiwa man ki Executive Member yong ka seiñbei.
Ya kani ka yalang da pynlai da u E. Shylla heiwa da pynskem leh ya kiwa kitkaam ka chnat da u President Rangbah ka Seiñbei, u P. Shylla uwa da kitbok kitwriang leh ya ki.
Kiwa kitkaam wad a pynskem yong ka chnat tohkini hawah:
1. President-Barness Shylla
2. Vice President-Edmund Shylla
3. General Secretary- Jersom Shylla
4. Asst. General Secretary – Kmenlang Shylla
5. Treasurer- Perina Shylla
6. Organising Secretary- Donalki Shylla
Da thung leh ya ki 24 ngut ki Executive Members yong kani ka Unit wei waroh kiwa da wan cha kani ka yalang u man ki kam ki Member.
Ha kani ka sngi da thung leh ya 3 ngut kiwa ebuit (Adviser) wa kynthup ya u Eddy Shylla, u Rubiwell Shylla wa u Chak Shylla.
Ha kani ka sngi da sakhi yei wan boon ngut ki khon ka kur na kylleiñ hanlada man ko ka sien wa nyngkong wa da pynman ya kam kani ka yachemlang khnang wow wanrah yei yatylli wa i yatipmit para kur ha West Jaiñtia.
Discussion about this post