Da pyndam yaka PET kiwa yaleh kaam pulit hapoh ka jylla

U Addl. Director General of Police uwa man leh kam u Chairman ka Central Recruitment Board, Meghalaya da pyntip u cha kiwa yaleh kreh kaam pulit wa kynthup ya SF-10 Group, AB/UB Group wa Follower Group hapoh ka Meghalaya Police 2019-20 wa yaka Physical Efficiency Test (PET) kawa da booh tarik wow pynman haka 17 tarik u March, 2020 hadooh 15 tarik u May 2020 ha 1^st MLP Bn, Mawiong wa 23 March hadooh 15 May 2020 ha 2^nd MLP Bn, Goeragre da man noh ki kiwa da pyndam noh hadooh wa pynbna tarik won da iwi.

Ya ini da leh deiwa bood yaki kyndon wa pynmih daka Director, Health Services, Meghalaya waka Ministry of Health and Family Welfare Office ka ri India yow yait nei pynman ya ki yalang paidbah.

Ya ki tarik wa thymme wow pynman ya ka PET daw pynbna lyngba ka Meghalaya Police Website www.megpolice.gov.in.

Ki Helpline Number kiwa ye kiwa kwah yei pynche wa ki yutip wa bniah toh 0364-2591238 wa mobile number 6033164273.