Ynne i janmiet ka Ministry of Health & Family Welfare (MoHFW) ka ri, da pyntikna ko wa em 81 ngut kiwa da yoh ya u COVID-19 hapoh ka ri.
Kini kynthup ki ya ki 3 ngut na jylla Kerala kiwa da chait hadien wa chah sumaar ki wa ki 7 ngut kiwa da chait wei kiwa da yoh liwan na Safdarjung Hospital, New Delhi.
Na kini ki 81 ngut, 64 toh ki nong India, 16 ngut ki nong Italy wa uwi na Canada.
Hadooh wa man kattæ dang booddien yei man i long yong ki 4,000 ngut kiwa yatoh yajan wa kiwa da yoh ya uni u khñiang.
Chooh chooh da ong wa kiwa em yaa uni u khñiang man ki kamni hawah:
Delhi 6 ngut; Haryana 14 ngut kiwa na baar ri, Kerala 19 ngut, Rajasthan 3 ngut (wa kynthup ya ki 2 ngut na baar ri), Telanagana uwi, Uttar Pradesh 11 ngut (wa kynthup uwi na baar ri), Ladakh 3 ngut, Tamil Nadu uwi, Jammu & Kashmir uwi, Punjab uwi, Karnataka 6 ngut, Maharashtra 14 ngut wa ha Andhra Pradesh uwi.
Discussion about this post