Ka 11th Pasadwar Cluster Sports Meet 2020 kawa da pynman arsngi kitæ haka 11 wa 12 Tarik uni u bnai ha ka chnong Lumpyngngad, da poi ko cha wakut heiwa da wan wai ya kani ka Sports Meet da ka CRP, Pasadwar Cluster ka Wanmon Pohlong hei emlang u waheh chnong ka Lumpyngngad u Cleophas Talang, kiwa kitkaam ki School Managing Committee, kiwa kitkaam chnong ka thaaiñ, ki bei ki pa ki khynnah skur, kiwa sikai wa ki khynnah skur.
Ki skur wa chimbynta ha kani ka Sports Meet da em ki hadooh 9 tylli na ki soo tylli ki chnong wa kynthup yaka Pasadwar, Lumpyngngad, Kharkhana waka Kamsing.
Kiwa jop man ki kamni næ:
Best March Past haka Upper Primary da yoh ka Karkhana UPS, haka Lower Primary won da jop ka Lumpyngngad Presbyterian LPS.
Haka Football, neiliang ki chynrang na ki skur UPS, da rah da ka Lumpyngngad UPS, ha ki kynthai won da rah ka Pasadwar UPS, na ki skur LPS yaki chynrang da jop da ka Lumpyngngad Presbyterian LPS, haki kynthai won da rah da ka Karkhana Govt. LPS katwa yei naam Best Discipline da rah ka Karkhana UPS.
Da saam leh ya ki khusnam cha kiwa yalehke wa kynsai u snem 2020. Yei naam Best Athlete na ki skur UPS yaki chynrang da yoh da u Ready Rymbai na Pasadwar UPS, yaki kynthai won da yoh ka Damon-I-ka Pamblang na Pasadwar UPS, neiliang ki chynrang na ki skur LPS da rah da u Mebantei Amrynsong na Lumpyngngad LPS katwa ya ki kynthai won da rah ka Beauty Tati na Kamsing LPS.
Ka kyrwoh wa phah da u Special Shylla, Sports Secretary ka Pasadwar Cluster.
Discussion about this post