Ka jhaad yapam ka ri, ka Indian Naval Ship Shardul ha kani ka 10 tarik da poi ko ha Port Antsiranana, Madagascar wow e yarap ya kani ka ri hadooh 600 ton u khoo.
Ini man i leh kam chibynta wow yarap ya ka Madagascar hadien wa da chah ktah bha ko ha u Cyclone wa i chlai um hawa sdang uni u snem.
Ha ini i e yarap da em ka yalang ha kani ka jhaad INS Shardul ha kani ka 12 tarik ya kawa da chim bynta da u montri baar ri ka Madagascar, u Dr. Tehindrazanarivelo Djacoba wa kiwi ki heh chipai ka Madagascarwa.
Ya ka India da mihkhmat da u Ambassador ka ri ha Madagascar, u Abhay Kumar wa u Commanding Officer kani ka jhaad, u Cdr Abhishek Pathak.
Neiliang u Dr. Tehindrazanarivelo da ekhublei wei da yaroh u ya ka India wa ka Indian Navy hajrong ini i e yarap deiwa ong wa ka India man ko ka lok wa sakhiat wei kawa yajan bha wa ka Madagascar.
Da yooluti u wa sam neini chaphrang u ye u wanrah yei yatylli wei i yajan hapyrdi kini ki ar ri.
Discussion about this post