Shillong : Ka Office u Director Sports and Youth Affairs, Meghalaya, da pyntip u wa daw em ka
Talent Scouting næ wow thooh ya ki khynnah kiwa em sap ha i yaleh Football hapoh 15 snem i rta weiwa kiwa chah jied daw yah ya ki cha ka ri Germany.
Ya kani ka wanjied ya ki khynnah wa em sap u lehke football daw wan ki bru wa pnah ha ini i yalehke yong ka Tata Trust and U Dream Football hapoh ka scheme Scholarship Programme yong ka wei u man ko leh kawa mynkna.
I ini i lai daw su ki nadooh i lai i wan hadooh i thaw sah wa i baam i dih.
Yow jied ya kini ki khynnah wa em sap daw wan jied da u Fabian Ewertz yong ka FC Bitburg, Germany ha kani ka 18 tarik uni u bnai ha 3rd Ground, Polo nadooh 9 waje i step.
Ya ki khynnah chynrang kiwa hapoh 15 snem ye ki u wan cha kani ka madan ha ka tarik wei i por wa da dep kdaw ha neiñ heijooh i por leh ye ki u yachem wa u ma Khlain Pyrkhat Syiemlieh, Football Coach yong ka Directorate of Sports and Youth Affairs uwa em ha ka 3rd Ground Polo.
Heijooh i por ki District Football Association ye ki u bahkhlieh wow phah ya ki khynnah yong ki ha kani ka sngi wow jied ya ki khynnah.
Discussion about this post