Ka chnat puræ puthi lyngba u Principal Secretary ka sorkar Meghalaya da pyntip u wa katkam wa da pyntip ka chnat i chait i khiah wa emkaam wow khang ya waroh ki thaw puræ (Educational Institutions) yow yada nei yei u poor u khñiang COVID-19, kamtæ ka chnat puræ puthi da rai ko wow khang chwa ya waroh ki thaw puræ hapoh ka jylla nadooh ka 17 tarik uni u bnai hadooh ka 31 tarik uni u bnai.
Heiyatoh won wa ki thaw pynman Exam ka MBOSE, ICSE, NEHU, CBSE wa kiwi kiwi u lai bait hi ki.
Da kyntu ya manbei manpa wa ha kini ki por wym toh u yah ki ki khon yong ki kam cha ki thaw wa boon bru kam ki Cinema Hall, ki Park, ki thaw uiñke suwari, ki Swimming Pool, ki Gymnasium, ki yaw ki haat, ki Hospital wa kiwi kiwi thaw paidbah.
Da kyntu leh wa ym toh u yajan næ tia cha jan ki bru hawa em cha lait.
Discussion about this post