Jowai : “Man i iwa sñiawkhia wei wa sñiawsih hadooh kattæ kattæ wa ka Ri loom Jaiñtia waroh kawi khamtam ya ki khynroo khyllood thooh kaam, kiwa haap yakhun ya ka MPSC neibhah da wiar ka Jowai Centre na ka MPSC” da ong u President ka JSU u ma Rikut Parein.
Ka Jaiñtia students’ Union (JSU) kwah ko u tip che wa neiyi i daw da pynwiar ya ka Jowai Centre ha ka Application Form yong ka MPSC heiwa nachwa em le tylli ki Centre kitæ ka Shillong, Jowai wa ka Tura. Ini man i iwa da leh chanam mo næ wa em i bakla mo? Kylli ka seiñ.
Ka seiñ da kam ko wa ha kini ki snem wa da dep da em bait ka Jowai Centre ha ki form ka MPSC, wei kiwon kiwon kiwa kawh u thoh Exam ha Jowai ye ki u jied ya ka Jowai Centre, tangwa katni da wiar ko na ki form wa da chon wei pyllait ha ka 25.02.2016.
Kam wow pynkynmoo ha u snem 2012 ka ri-loom Jaiñtia da yoh ko ya ka MPSC Cell ha Jowai, da ki hajar ngut poi ki wow yakhun ya ka exam ha Jowai.
Hei yatoh weini ka JSU dawa ko na ki 7 ngut ki MLA ka ri-loom Jaiñtia wow chimkhia wei wow pynbait yeini waroh neibynta i bha i miat.
Da maham ka JSU leh wa lada ka sorkar næ ka Commission ym pynbait ko yeini ka seiñ daw thooh ko da kiwi ki luti.
Discussion about this post