Jowai : Ka lympung yalehke football yong ka Maya Sports Social Arts & Cultural Club, Wahiajer 3rd Open To All Football Tournament, da sdang ko ynne ka 16 tarik heiwa da wan wai ya ka da u MLA ka thaiñ u ma Sniawbhalang Dhar.
Chwa wow sdang da em ka yalang wa tbian wa pyllai da u Secretary ka MSS&CC u ma Treky Lyngdoh hei emlang ki dkhot ka club, u waheh chnong u ma K. Shylla ki paidbah wa kiwi kiwi.
Kiwa pyllai ya kani ka lympung da khana ki wa ki i thmu wa pynman toh yow pynku ya ka yarong poisa ka seiñ yow yoh ki u leh yei won iwon i kaam pynroi hapoh ka chnong.
U kongsan ma Sniawbhalang Dhar da e u i yaroh ya ka seiñ wa da lai ko chakhmat hei yatoh wa ki kaam lehke sport, wei ngait skem u wa lyngba yong ka boon ki khynnah u yohlaad ki u pynyoo yei sap yow lait ki nei sih wa boonjait.
Ki dhab wa da hiar madan nyngkong ha kani ka lympung toh ka Thadmusem SC pyrchah yaka Rising 11. I yakhun man i iwa yoosuk tangwa neidaw wa pynwit u slap wa dap um ka madan wei tlær ym em yohlad ware ki u pynyoo yeisap yong ki.
Ha kani ka yakhun yei naam jop da rah da ka Rising 11 dei wa pynrem ko 3-0 ya ka Thadmusem. Ya kini ki 3 kol ka Rising 11 da thap 2 kol haka kylla step katwa chi kool da ka chut Penalty.
Neiliang u Secretary da pynbna u wa kiwon kiwon ki dhab (team) wa kwah u wan yachim bynta dang e laad ya ki u chim bynta wei ye ki u phone ha u number 8575394646
Discussion about this post