Ka synjuk ki Seng Rangbah Katholik Jowai Diocese hadien wa ka sorkar da khang ko wow pynman ya ki yalang paidbah wa boon bru na i daw wow yada nei poor u COVID-19 (Coronavirus) uwa katni da poor cha kylleiñ ka pyrthai iwa da booh leh yei mynsien bru hei maa, ka Central Executive Committee ka Synjuk Ki Seng Rangbah Katholik Jowai Diocese (SSRKJD) kawa da yachem ha ka 18 tarik uni u bnai da rai da iwi i yumut wow pynsangeh noh chwa ya ka yachem lang yong ki Rangbah Katholik kawa chisien chi snem (Annual Meet XIV).
Kani ka Annual Meet toh kawa da mut u pynman haka 21 wa 22 tarik uni u bnai (March) 2020 hapoh Khliehriat Parish, East Jaiñtia Hills District wei daw pynman won ya kani ka Annual Meet XIV ha iwi won i por hadien wa da yoh yutip kawa bniah chaphang i long i man yong uni u khñiang Coronavirus.
Ka kyrwoh na u Dominic Sumer, Publicity Secretary ka Synjuk Ki Seng Rangbah Katholik Jowai, Diocese.
Discussion about this post